«Кадет» - француз сөзінен шыққан,  «кіші», «кәмелетке толмаған»деп аударылады.Кадет корпусы офицерлерді даярлайтын алғашқы саты ретінде   өз бастауын 1653  жылдан Пруссияда алғашқы Кадет мектебі ашылғаннан бері белгілі.  1716 жылы король       I Фридрих Берлинде кадеттер ротасын құрды. Осылайша 1913 жылға дейін сақталған Германияда, Жапонияда, Черногорияда кадет корпустары пайда болды.  Кадет корпустары тәрбиеленушілерінің ішінен көптеген дарынды тұлғалар шыққан. 1847-1853 жылдар аралығында Омбы Кадет корпусында  есімі әлемге танымал айбынды саяхатшы және зерттеуші- ғалым Шоқан Уәлиханов оқыған. Астаналық Пажеский Корпусының (Кадет корпусымен туыстас ) түлегі – Жәңгір ханның ұлы Ғұбайдолла болған. 1894 жылы ол  қазақтар арасынан    кавалериядан шыққан  алғаш  генерал болды  ( бүгінде  бұл әскер Генералы атағына  сәйкес келеді).

      Облыстық мамандандырылған кадет мектеп-интернаты Павлодар облысы әкімінің шешімі бойынша 1999 жылғы 11 маусым айында «Қаһарман» әскери-патриоттық мектептің кадеттер сыныптарының негізінде құрылған.